Novembro 25th, 2011
Cinco
Posted by
W. Sobchak in
Arte e Desenho
Os retratos en tríptico de descoñecidos de Adde Adesokan demostran que ainda se poden facer cousas orixinais e bonitas na rede, non?
Novembro 21st, 2011
Terrorista de John Upkide
Posted by
W. Sobchak in
Livros
Lin Terrorista do afamado John Updike e quedei daquela maneira. E unha historia amena, pero non me deu máis.
Tiven unha sensación permanente de estar a ler estereotipos mil e unha vez vistos. Se cadra pola sobreexposición que tenho [temos] a produtos audiovisuais daquela beira do atlántico [porque non é que pola minha vila destaque pola sua variedade étnica]]
E por outra banda sorprendeume o pouco directo da súa narrativa, que eu pensaba que era algo típico do anglosaxóns. Pola contra perdese as veces en descricións e adxectivos que frean o avance da historia.
Pero vamos, que estou contente de que se traduzan ao galego autores consagrados da literatura do imperio grande. E poder xulgar por min mesmo
Novembro 11th, 2011
Chinchín por Os da Ría online
Posted by
W. Sobchak in
Música
Os da ría, o xa mítico dúo de crooners galego, andan coa súa xira de despedida [tanto talento xunto non podía ser,era visto]
Mais son xenerosos e , coa colaboración da Navalla Suíza, venhen de colgar na rede o concerto inaugural desta despedida na , xa tamén, desaparecida Sala Nasa. Todo un gusto para os nosos sentidos
[BTW se segues o CCCP mais ou menos ao día, mañá 12 de novembro Os da Ría despediranse da xente de Ferrolterra a partires das 19 h no centro social de Doniños, tades avisados]
Novembro 8th, 2011
Gustavo Minas
Posted by
W. Sobchak in
Fotografía
No flickr de Gustavo Minas podemos dar un paseo polas rúas de Sao Paulo, cunha luz e unhas imaxes un chisco diferentes do que estamos afeitos daquela metropole
Novembro 4th, 2011
Os últimos días de Twin Peaks
Posted by
W. Sobchak in
Audiovisuais
O ano pasado unha cativa de menos de vinte anos díxome que Twin Peaks envellecera moi mal. Non puiden acreditar así que venho de baixar a primeira temporada para revisitala, e contar coa visión imparcial da minha compañeira de solución habitacional que non a viu. A ver cal é o veredicto.
E mira ti por onde, hoxe atopei por casualidade esta galería coa foto fixa dos últimos días de rodaxe da delirante segunda temporada, cando xa a serie fora oficialmente cancelada.
Outubro 26th, 2011
Luther
Posted by
W. Sobchak in
Audiovisuais
Onte vin o primeiro episodio de Luther, e gostei del. Unha aclaración está é unha serie [drama que lle din alí] policiaca da BBC. E disto podemos sacar tirar dúas conclusións.
Por unha banda temos un universo cheo dos arquetipos do xénero. Pero aos afeccionados ao mesmo isto non nos vai molestar, non?
E por outra sabemos que a realización/produción vai ser impecábel. E tanto. As escenas do interrogatorio coa antagonista penso que poderían estar en calquer manual de montaxe e composición.
E por suposto compre salientar o traballo dun brutal Idris Elba [ a.k.a Stringer Bell], que está inconmensurábel, desprendendo un magnetismo que xa lle gustaría a moitos.
Outubro 24th, 2011
El arte de volar
Posted by
W. Sobchak in
Livros
Acabo de ler «el arte de volar«. Unha intensa e emotiva novela gráfica con debuxos de Kim e guión de Antonio Altarriba, quen reconstrúe a vida do seu pai desde o seu nacemento no rural aragonés a comezos do SXX até o seu suicidio noventa anos despois. É unha historia dificil, como a de moita xente que viviu aqueles días. Narrada con forza e lirismo.
A min prestoume moito. Como había tempo que non o facía nengunha banda desenhada. E coido que é imprescindíbel
Iso si, ainda outro día falaba de que houbo a quen lle resultou tremendamente dura, mesmo mais que Maus. Ainda que evidentemente todo depende da distancia que sexas quen de por coa historia
Aquí tedes unha crítca con mais xeito, e aquí un vídeo con imaxes do libro, evidentemente con spoilers…
Outubro 24th, 2011
Os Vicky Pollard
Posted by
W. Sobchak in
Música
Hei de confesar que fican un pouco lonxe das miñas querenzas estilísticas actuais [non sei se por un aquel de salto xeracional, ou meras cuestións estéticas] Mais paréceme unha excelente noticia a simple existencia dos Vicky Pollard. Unha banda de Brión, que recollen a semente indie/grunge dos anos 90 vinte anos despois.
Descubrinnos pois venhen de facer máis umha [nunca serán dabondo] homenaxe ao Lois Pereiro
Outubro 21st, 2011
Os muros do Alexandre Farto
Posted by
W. Sobchak in
Arte e Desenho
Tou a flipar coas cousas bonitas que fai nos muros Alexandro Farto
Outubro 20th, 2011
Frauke Thielkin
Posted by
W. Sobchak in
Fotografía
Andaban onte a circular pola rede a serie de pais e fillos da xermana Frauke Thielkin.
Eu non puiden evitar lembrar os primeiros traballos de Andrea Costas
Outubro 19th, 2011
Rinocerontes fineses
Posted by
W. Sobchak in
Livros
Fai Carlos Meixide unha interesante crítica de Purga de Sofi Oskanen. O último título da colección contemporánea de Rinoceronte Editora [ esa editorial marabillosa da que nunca estaremos agradecidos e dabondo, e da que cada galego de ben debería mercar como mínimo un libro]
No CCCP imos facer mención doutro libro finés editado polos de Cangas, mais, nunha nova aposta pola actualidade máis radical, no canto de falar da última novidade falaremos do primeiro libro que editaron os de Cangas: O bosque dos raposos aforcados de Arto_Paasilinna. E como somos firmes militantes da crítica efémera, apenas diremos que éche un libro recomendábel e divertido. Con un humor cun aquel co de Eduardo Mendoza. Claro que con arrecendo lapón e non mediterráneo
Xa sabedes
Outubro 19th, 2011
40 minutos de Lamatumbá
Posted by
W. Sobchak in
Audiovisuais, Música
Outubro 18th, 2011
As poderosas imaxes de Javier Teniente
Posted by
W. Sobchak in
Fotografía
Mais un fotoxornalista. Pero non un máis. Desta volta Javier Teniente, un da banda de Vigo, que ten un traballo e unha traxectoria profesional abraiante. Paga a pena visitar paseninho a súa Web.
Se cadra, compre salientar o seu proxecto Hijos del Océano. Ambicioso e poderoso proxecto ao redor das cousas do mar [ das que si se poden contar na terra]. Non podemos deixar de mencionalo aquí no CCCP, xa que gostamos moito dos proxectos mariñeiros ao estilo do Corey Arnold e co espírito do Capetón [por certo que seica Xurxo Souto anda a traballar nun novo libro sobre os mariñeiros galegos, xa nos tarda]
Seica a fundación do banco ese, NoCaGa, estivo a a facer expos deste traballo. Aínda que xa remataron. Unha nova mostra da vixencia do CCCP como medio de rabeante actualidade…
Outubro 17th, 2011
A última dos Homens [catro fotos]
Posted by
W. Sobchak in
Música, Wonderful World
Xa contei que fun á última de The homens, pois aqui deixo catro fotiños que tirei por se a alguén lle interesean
