CCCP

Marzo 31st, 2008

Sábado eumés

Posted by W. Sobchak in Outras lerias

sanxose_aspontes.jpg

Seguimos ocupando o tempo neste periodo de espera. Interesante foi o sábado eumés:

Manha polas fragas do eume (ainda que estou lacazán e andamos pouquinho). Xantamos ao carón do centro de interpretación. Non estivo mal. Logo para Springfield a ver a carreira de San Xosé. O noso corredor quedou quinto e bastante menos escaralhado que o tipo da foto. Logo ainda fomos ao encoro da ribeira [que estaba cheinho de todo] e a ver a mina como se está a convertir en lago. Ainda nos deu tempo de tomar umha no bar máis moderno da provincia, a tomar outra no bar que ten o pincho máis saboroso da provincia, e a ir de cea con 16 ponteses que pouco a pouco se  foron mergulhando en alcool [había tempo que non participaba numha guerra de migas de pan]Logo fuximos como covardes [mea culpa]

A foto esta sacada do meu incipiente flickr

Marzo 30th, 2008

sudoksa

Posted by W. Sobchak in Fotografía

sudosoka.jpg

Outro flickr que me prestou de vez: sudoksa. Seica é un frances perdido por Seul

Marzo 28th, 2008

Bert Teunissen

Posted by W. Sobchak in Fotografía

bert-teunissen.jpg
Vía efímera acho esta cousa bonita que é o proxecto de Bert Teunissen” Domestic Landscapes”. Podedes pasar horas mirando este fermoso e amplío trabalho sobre “old and antique available dayligh“. Xentes e lugares unidos inexorablemente e atrapados no tempo.

Repito: fermoso!

Marzo 28th, 2008

El que vale, vale. Y el que no a Bellas Artes!

Posted by W. Sobchak in Outras lerias

paradox.jpg


Warning: Post nhonho!!!

Ando estos días medio saudoso (xa sabedes…) e hoxe , non sei por que, lemrbei de umha curiosa anécdota.

Na institución na que estiven preso durante os meus anos escolares había un personaxe que non tinha umha función definida, máis ala de pasearse polos corredores e botar as broncas de turno aos incautos que collía fora da clase. Nin que decir ten, que eu pertencía habitualmente a ese colectivo.

Non tenho moi claro cal foi o meu momento cumio con este individuo. Umha vez aos 15 anos soltoume “ ya se os ve quienes soys, con esa pinta de delincuentes… no se como os dejan salir así de casa” [seica a estética grunge non era santo da sua devoción] Un ano máis tarde, de novo nesos íntimos encontros nos longos e valeiros corredores, susurroume enérxicamente “es una pena que no me dejen tocaros que si no ya verías” [quero pensar que era umha ameza violenta e non sexual!]

Mais a bonita frase da que me venho de lembrar , é de um día que nos obsequiou a todo o meu grupo de 3º BUP cun alentador semón “teneis que estudiar, y mucho. Porque si no, no podreis hacer nada en vuestra vida… salvo entrar en bellas artes

E desto lembreime, porque a vida levoume a, durante a época universitaria, a compartir casa, broncas domésticas e moitas fermosas experiencias cos únicos companheiros da citada institución que tiveron o talento suficiente de estudar Belas Artes. E co paso dos anos podo dicir que son das persoas que conhezo que tenhen umha vagaxe intelectual mais profunda dentro dos seu ámbito profesional. E non fai falta nen mencionar o enorme esforzo que están a levar a cabo para sacar a díante a sua vocación.

En fin, na vida tropezas con umha grande cantidade de ineptos…e afortunadamente tamén con xente valiosa que compensa un pouquinho a balanza

Marzo 25th, 2008

Atlantik Wall

Posted by W. Sobchak in Fotografía

atlantik21.jpg
O domingo a tarde quedei co meu amigo afamado para tomarlle umha, falar da vida,e ver umha expo no seu derradeiro día (xa comeza a ser umha tradición). Foi Atlantik Wall no colexio de arquitectos [aquí un metacomentario]. Gostei da montaxe, notábase o toque minimal dos do gremio. O que non entendín foi porque o seu percorrido ía desde As landas ata o Mar de Noruega, sen entrar nunca na costa da península iberica. Porque francamente moitas partes do litoral galego terían cabida nesta mostra… e para umha vez que o noso urbanismo se pode englobar nalgo co seu entorno europeo teríamos que ter aproveitado!

Por certo que Atlantik Wall é o nome das baterías de defensa que os nazis eregueron durante a IIWW

Marzo 23rd, 2008

Ocultos de El Selenita

Posted by W. Sobchak in Fotografía

ocultos_selenita.jpg
A fedelhar polo flickr achei o sitio de El Selenita un hiperactivo fotógrafo da banda de Madrid (aquí a sua web persoal). Dentro do seu amplio trabalho gostei moito da sua serie “ocultos“.Tanto na sua mensaxe como no seu acabado. Penso que en grande formato non desentonaría en absoluto nas paredes de calqueira centro de arte contemporanea.

[Nota para achegados: Show must go on…]

Marzo 2nd, 2008

Gaëtan Bourque

Posted by W. Sobchak in Fotografía


Gaëtan Bourque é un canadiano que ten un fabuloso filckr, que, en rematando de visitalo, entran umhas irresistibles ganas de liscar a Finlandia de expedición fotográfica… ou non?