CCCP

Outubro 26th, 2011

Luther

Posted by W. Sobchak in Audiovisuais
Onte vin o primeiro episodio de Luther, e gostei del. Unha aclaración está é unha serie [drama que lle din alí] policiaca da BBC. E disto podemos sacar tirar dúas conclusións.
Por unha banda temos un universo cheo dos arquetipos do xénero. Pero aos afeccionados ao mesmo isto non nos vai molestar, non?
E por outra sabemos que a realización/produción vai ser impecábel. E tanto. As escenas do interrogatorio coa antagonista penso que poderían estar en calquer  manual de montaxe e composición.
E por suposto compre salientar o traballo dun brutal Idris Elba [ a.k.a Stringer Bell], que está inconmensurábel, desprendendo un magnetismo que xa lle gustaría a moitos.
Outubro 24th, 2011

El arte de volar

Posted by W. Sobchak in Livros

Acabo de ler “el arte de volar“.   Unha intensa e emotiva novela gráfica con debuxos de Kim e guión de Antonio Altarriba, quen reconstrúe a vida do seu pai desde o seu nacemento no rural aragonés a comezos do SXX até o seu suicidio noventa anos despois. É unha historia dificil, como a de moita xente que viviu aqueles días. Narrada con forza e lirismo.
A min prestoume moito. Como había tempo que non o facía nengunha banda desenhada. E  coido que é imprescindíbel
Iso si, ainda outro día falaba de que houbo a quen lle resultou tremendamente dura, mesmo mais que Maus. Ainda que evidentemente todo depende da distancia que sexas quen de por coa historia

Aquí tedes unha crítca con mais xeito, e aquí un vídeo con imaxes do libro,  evidentemente con spoilers…

Outubro 24th, 2011

Os Vicky Pollard

Posted by W. Sobchak in Música
Hei de confesar que fican un pouco lonxe das miñas querenzas estilísticas actuais [non sei se por un aquel de salto xeracional, ou meras cuestións estéticas] Mais paréceme unha excelente  noticia a simple existencia dos Vicky Pollard. Unha banda de Brión, que recollen a semente indie/grunge dos anos 90  vinte anos despois.
Descubrinnos pois venhen de facer máis umha [nunca serán dabondo] homenaxe ao Lois Pereiro
Outubro 21st, 2011

Os muros do Alexandre Farto

Posted by W. Sobchak in Arte e Desenho

Tou a flipar coas cousas bonitas que fai nos muros Alexandro Farto

Outubro 20th, 2011

Frauke Thielkin

Posted by W. Sobchak in Fotografía


Andaban onte a circular pola rede a serie de pais e fillos da  xermana Frauke  Thielkin.
Eu non puiden evitar lembrar os primeiros traballos de Andrea Costas

Outubro 19th, 2011

Rinocerontes fineses

Posted by W. Sobchak in Livros
Fai Carlos Meixide unha interesante crítica de Purga de Sofi Oskanen. O último título da colección contemporánea de Rinoceronte Editora [ esa editorial  marabillosa da que nunca estaremos agradecidos e dabondo, e da que cada galego de ben debería mercar como mínimo un libro]
No CCCP imos facer mención doutro libro finés editado polos de Cangas, mais, nunha nova  aposta pola actualidade máis radical, no canto de falar da última novidade falaremos do primeiro libro que editaron os de Cangas: O bosque dos raposos aforcados de Arto_Paasilinna. E como somos firmes militantes da crítica efémera, apenas diremos que éche un libro recomendábel e divertido. Con un humor cun aquel co de Eduardo Mendoza. Claro que con arrecendo lapón e non mediterráneo
Xa sabedes
Outubro 19th, 2011

40 minutos de Lamatumbá

Posted by W. Sobchak in Audiovisuais, Música

[gv data=”R1VkZVlgxAQ” width=”450″][/gv]

Por casualidade achei onte este vídeo do concerto que Lamatumbá deu en Xullo do 2010 na Quintana. Son 40 minutos nos que coido que se transmite a enerxía e as sensacións [lumeeee] que se viviron nesa xira dos de Ourense. A gravación é da  a xente de Pixelín [blog]

Outubro 18th, 2011

As poderosas imaxes de Javier Teniente

Posted by W. Sobchak in Fotografía
Mais un fotoxornalista. Pero non un máis. Desta volta Javier Teniente, un da banda de Vigo, que ten un traballo e unha traxectoria profesional abraiante. Paga a pena visitar paseninho a súa Web.
Se cadra, compre salientar o seu proxecto Hijos del  Océano. Ambicioso e poderoso proxecto ao redor das cousas do mar [ das que si se poden contar na terra]. Non podemos deixar de mencionalo aquí no CCCP, xa que  gostamos moito dos proxectos mariñeiros ao estilo do Corey Arnold e co espírito do Capetón [por certo que seica Xurxo Souto anda a traballar nun novo libro sobre os mariñeiros galegos, xa nos tarda]
Seica a fundación do banco ese, NoCaGa, estivo a  a facer expos deste traballo.  Aínda que xa remataron. Unha nova mostra da vixencia do CCCP como medio de rabeante actualidade…
Outubro 17th, 2011

A última dos Homens [catro fotos]

Posted by W. Sobchak in Música, Wonderful World

Xa contei que fun á última de The homens, pois aqui deixo catro fotiños que tirei por se a alguén lle interesean

1, 2, 3 e 4, alehop!

Outubro 17th, 2011

O superheroe de Andreas Englund

Posted by W. Sobchak in Arte e Desenho

O sueco Andreas Englund creou un vedranho superheroe. Mais non escolleu a banda desenhada para  contalas súas desventuras, senon que o fai en lenzos.

Desde xa pasan a formar parte da miña pinacoteca ideal  [e imposíbel de acadar]

Outubro 13th, 2011

Bob

Posted by W. Sobchak in Audiovisuais

Non son moi partidario de fusilar contidos do blogomillo, e máis se temos en conta como de esquilmado anda o caladoiro. Mais hoxe vin Bob en apnea. E non podo evitar posteala.  Xa non pola súa calidade, que ten dabondo e máis, senón por que é un traballo dunha escola de cine!  E manda carallo para o nivel da escola, non?

Coido que por latitudes próximas é complicado ver choios de tanta calidade. Agás os da ESCAC, claro. Pero, como xa lle dicían a Pepe Carvalho nos 80, Aquílo é Europa

Outubro 13th, 2011

Attack the block

Posted by W. Sobchak in Audiovisuais

Voume por en modo cinema friki: Imaxinade que collemos o espírito das pelis iaknis  de aventuras de adolescentes dos anos 80 [ Goonies, E.T.] , mesturámolas  coas de xénero de terror de bechos extraterrestres desa época [Critters], con un chisco   [so un chisco!] de The Wire, dámoslle ese aquel transgresor e brincadeiro da serie B, e que trasladamos a acción a un suburbio do Sur de Londres.. Voila: o que non sae e Attack the block [trailer], Un divertido filme de xénero, ben realizado que compre de sobra as expectativas: pasar un bo rato diante da pantalla. De feito seica en Sitges está a prestar moito.
Se gostades do xénero, recomendada fica
Outubro 12th, 2011

Música para peto con Ariel Ninas

Posted by W. Sobchak in Música

Video de Ariel Ninas para anunciar o curso de música para peto que vai impartir na Gentalha do Pichel en Santiago D.C. Segundo as súas propias palabras “Curso para todos os níveis sobre instrumentos que podam ser levados no peto, porque a música é o refúgio onde podermos agochar-nos contra o aborrecimento, a defesa da mediocridade”
Tanto o vídeo como o curso teñen unha pinta caralluda. Mais eu lamento moito que os de Anís del Mono non quitaran botellas desas benxamíns que entraran no peto, non?

Outubro 11th, 2011

Rugby

Posted by W. Sobchak in Outras lerias
Lin o outro día polo twitter que seica o rugby é hispter. Debe selo por que un gafapasta pseudocultureta coma min devece por el. E tou na época propicia porque  xa vai  máis de un mes de mundial e eu touno a pasar quinindios. Se evitas aos países do leste de Europa ( Romanía, Georgia)é imposíbel ver un partido aburrido. Neste deporte non existe a especulación.
Por momentos pensei en aproveitar para dar a miña visión atravesada do evento, ao estilo traveseiro. E non me faltarían argumentos como as diversas hakas [comparade o estilo voluntarioso dos de Tonga, contra os esmagadores neozelandes, co agarimoso Alli Williams en primeiro plano],  ou mesmo  estilos capilares.
Decidín no facelo, porque non quero favorecer a popularización de algo tan snob [entón tería que buscar outra afección]
De todos os xeitos aínda quedan catro partidos e de seguro que van ser bonitos xa que quedan Gales,  o equipo que mellor rugby fixo ate o de agora, Francia, os inventores do rugby champaña [aínda que ultimamente semella que fan cava extremeño], a imprevisíbel Australia e os inmensos All Blacks. Eu de vos aproveitaba para darlle unha oportunidade a o invento.
Pola miña banda, ando un chisco triste xa que perdeu Irlanda, no que supón o adeus a unha xeración de xogadores [entre eles,  O´connell na foto superior] que me fixo vibrar, e padecer sobre todo, que as veces parecía que eu un deses da beira do Manzanares
E falando de rugby, o outro día vin en disquecool unha ligazón a unha reportaxe  de Informe Robinson sobre o Vigo Rugby e o seu adestrador All Black. Paga a pena.
Outubro 11th, 2011

Os tres trebóns VS Lois Pereiro

Posted by W. Sobchak in Música

[gv data=”JnUOu_2hhkc” width=”450″][/gv]

.. e pouco máis hai que engadir, non?

enjoy it, ho!

Páxina seguinte »