O outro día fun ver  Miradas alleas [por certo, detesto a metalinguaxe dos comisarios de arte].coa Srta Trivia. Á saída tivemos um pequeno debate, pois ela dicía que non lhe cadraba o alí exposto co lema da expo. A min si. Basicamente colleron fotógrafos foráneos que tenhen retratado esta parte do mundo. O que penso é  que non hai un criterio de selección moi definido  Hai de todo: desde autores de finais do SXIX que visitaban esta terra ignota, ata convidados da tristemente desaparecida fotobienal de Vigo, pasando por membros do star-system do obturador, como Sebastiao Salgado.
De todo esto deduciredes que o resultado é moi heteroxeneo.

Cada quen sacará a sua lectura. Eu quedeime co tema da ordenación do territorio e de como a segunda metade do século XX supuxo a destrucción da paisaxe galega a mans dos galegos, tanto no rural como no urbano [ o caso de Vigo pareceme especialmente lastimoso]

Miradas alleas está na Igrexa da Universidade de Compostela  ata o 18 de Maio así que podedes ir vos mesmos a comprobalo.

A imaxe de arriba é  Volunteer watching, volunteer smiling de Allan Sekula

vía foto microsiervos acho a obra de The Polaroid Kidd, umha estupenda serie sobre os mendigos que viaxan nos trens polos EUA adiante. Semelhan   sacados de umha peli sobre a gran depresión do 29

Atención lectores do CCCP sección Madrí [confirmados 2, o que os convirte numha importante porcentaxe do total] Desde onte xa é publico o programa do Festival PhotoEspaña deste ano. Coma sempre ven cargadinho de cousas bonitas. Sin dubida esta debe de ser umha desas vantaxes, das que tanto falades, de vivir na capital do I.P.

Outro flickr que me prestou de vez: sudoksa. Seica é un frances perdido por Seul

Vía efímera acho esta cousa bonita que é o proxecto de Bert Teunissen” Domestic Landscapes”. Podedes pasar horas mirando este fermoso e amplío trabalho sobre “old and antique available dayligh“. Xentes e lugares unidos inexorablemente e atrapados no tempo.

Repito: fermoso!

O domingo a tarde quedei co meu amigo afamado para tomarlle umha, falar da vida,e ver umha expo no seu derradeiro día (xa comeza a ser umha tradición). Foi Atlantik Wall no colexio de arquitectos [aquí un metacomentario]. Gostei da montaxe, notábase o toque minimal dos do gremio. O que non entendín foi porque o seu percorrido ía desde As landas ata o Mar de Noruega, sen entrar nunca na costa da península iberica. Porque francamente moitas partes do litoral galego terían cabida nesta mostra… e para umha vez que o noso urbanismo se pode englobar nalgo co seu entorno europeo teríamos que ter aproveitado!

Por certo que Atlantik Wall é o nome das baterías de defensa que os nazis eregueron durante a IIWW

A fedelhar polo flickr achei o sitio de El Selenita un hiperactivo fotógrafo da banda de Madrid (aquí a sua web persoal). Dentro do seu amplio trabalho gostei moito da sua serie “ocultos“.Tanto na sua mensaxe como no seu acabado. Penso que en grande formato non desentonaría en absoluto nas paredes de calqueira centro de arte contemporanea.

[Nota para achegados: Show must go on…]

Gaëtan Bourque é un canadiano que ten un fabuloso filckr, que, en rematando de visitalo, entran umhas irresistibles ganas de liscar a Finlandia de expedición fotográfica… ou non?

Umha das útlimas cousas das que gostara antes de meterme no infernal circulo do entroido, foi descubrir a Jon Huck. Un fotógrafo do que gosto das suas imaxes, das ideas dos proxectos e do xeito de esponhelas.
Vamos, que son superfan del !
[comeza a campanha de “regálame algo chulo para o meu cumple” ]

Leo en We make money not art sobre umha exposicion da galería berlinesa Zak Gallery de Lukas Kapski
Umha serie de fotos sobre tractores manufacturados polos labregos polacos durante os anos do comunismo.  Todo un exemplo do “do it your self” ante a imposibilidade de mercar un.É certo que a necesidade agudiza o inxenio xa que hai trebelhos curiosos de vez!

Pobres polacos que non tenhen no seu imaxinario popular ao pasqualin! 

A cámara oscura, aparece en todos os manuais de fotografía como o seu antecedente na historia. Tenho lido moitas veces sobre ela. Mais onte vin nun documental  as que fai o fotográfo Abelardo Morell (convertindo toda umha habitacion numha) e fiquei fascinado. Posteriormente tira fotos como a de arriba. O seu branco e negro e bonito, pero en color, tal e como se vía na tele  era abraiante.
Como dicían onte: ” Un fenomeno físico moi doado de reproducir e moi dificil de crer“

Que mágoa, descubro Express Train cando xa morreu como proxecto. Era o fotoblog de Travis Ruse, un tipo que vive en New York e que todos os días, camino ao trabalho tomaba fotografías no metro. Todo un exemplo da cousa esta que chaman web 2.0. A paxina xa non se actualiza porque Travis trocou de choio e agora seica vai en bici pola ponte de Brooklyn. Sorte que tenhen alguns…

No arquivo do fotolog hai cousas interesantes de vez!

A antigua cadea de Carabanchel en Madrid leva anos fechada. Desde entón xa foi escenario de diversas iniciativas artisticas, desde un concerto de Rosendo ata un interesante video do colectivo EL Perro, sen esquecer aos grafitteiros, que non desaproveitaron nengumha das suas paredes.

Agora e deses lugares abandonados que atraen a moitos fotográfos. Ao redor dela xuntaron esforzos profesionais e non profesionais, dando como resultado umha galería en flickr (de mais de 1200 arquivos) e agora numha atractiva exposición. [aproveitade os que esteades a vivir no imperio pequeno, que seica vai durar pouco]

Fermosa iniciativa e fermosas imaxes.

vía las cosas de Javier Sanchez

Esta manha vin está foto de Martin Toye no blog de Selva de Esmelle. Non conhecía ao autor, e chamoume a atención que era un fotografo especializado en nús, mais especialmente masculinos.
Persoalmente opino que o corpo da mulher é infinitamente máis bonito co do home. E falo desde umha perspectiva estética� e non sexual.� Mais está ben intentar achar a beleza masculina.

.. E por suposto, ao tratar estos temas é obrigatorio mencionar ao grandissimo Robert Mapplethorpe.

Visitar o site de Matt Sutart é como dar un agradabel, e diferente, paseo por Londres