CCCP

Febreiro 10th, 2014

Lupus

Posted by W. Sobchak in Livros


Ando a ler bastante banda desenhada. Sen dúbida o libro que máis me prestou foi Lupus do suizo Frederik Peeters. Disque é unha obra de  ficción científica, mais a min pareceume máis un slice os life deses

Decembro 9th, 2013

Non vai calor cando ela está lonxe

Posted by W. Sobchak in Internete, Livros


Como nos tempos gloriosos do blogomillo. O gran Samuel L. París colga na rede poemarionova, unhas instrucións para facer poemarios DIYS, e en apenas unha semana acada case 20 participacións!
Destas cousas bonitas coas que agasalla a rede de cando en cando.
Dese o CCCP non o dubidamos e participamos con Non vai calor cando ela está lonxe. Que non sabemos se recomendamos ler antes ou despois de ter visto as interaccións

Por certo, isto de facer poesía, cando menos con regras, éche unha boa ximnasia para os miolos

Abril 3rd, 2012

California 83 de Pepe Colubi

Posted by W. Sobchak in Livros

Cando esta cousa dos blogues estaba en auxe, eu era especialmente seareiros dos expatriados que contaban as súas aventuras en terras ignotas. Non se pode negar que o formato “diario” ten un especial valor cando estas fora da casa, xa que cada día pasan cousas “especiais”. Pois ben, acabo de constatar que este  formato  trasladado á novela deixa que desexar.  California 83 é o libro de Pepe Colubi [afamado  twitteiro, a quen eu coñezo pola revista esa das cuartas feiras] no que narra as súas vivencias ao facer COU no Imperio no comezo do reinado de Ronald Reagan. Pois precisamente esa estrutura laxa, foi o que me non me fixo conectar en ningún momento. Iso é  o permanente ton de “que enrollado son” que o autor non abandona en ningún momento.
De todos os xeitos, deixase ler sen problema, que xa é dabondo.

[até o de agora case que non fixen reseña das miñas lecturas na lingua de Valle Inclán, mais mira ti por onde acabo de descubrir que me resulta bastante máis doado facer xuízos negativos da literatura do imperio pequeno. Cousas veredes]

Novembro 21st, 2011

Terrorista de John Upkide

Posted by W. Sobchak in Livros
Lin Terrorista do afamado John Updike e quedei daquela maneira. E unha historia amena, pero non me deu máis.
Tiven unha sensación permanente de estar a ler estereotipos mil e unha vez vistos. Se cadra pola sobreexposición que tenho [temos] a produtos audiovisuais daquela beira do atlántico [porque non é que pola minha vila destaque pola sua variedade étnica]]
E por outra banda sorprendeume o pouco directo da súa narrativa, que eu pensaba que era algo típico do anglosaxóns. Pola contra perdese as veces en descricións e adxectivos que frean o avance da historia.
Pero vamos, que estou contente de que se traduzan ao galego autores consagrados da literatura do imperio grande. E poder xulgar por min mesmo
Outubro 24th, 2011

El arte de volar

Posted by W. Sobchak in Livros

Acabo de ler “el arte de volar“.   Unha intensa e emotiva novela gráfica con debuxos de Kim e guión de Antonio Altarriba, quen reconstrúe a vida do seu pai desde o seu nacemento no rural aragonés a comezos do SXX até o seu suicidio noventa anos despois. É unha historia dificil, como a de moita xente que viviu aqueles días. Narrada con forza e lirismo.
A min prestoume moito. Como había tempo que non o facía nengunha banda desenhada. E  coido que é imprescindíbel
Iso si, ainda outro día falaba de que houbo a quen lle resultou tremendamente dura, mesmo mais que Maus. Ainda que evidentemente todo depende da distancia que sexas quen de por coa historia

Aquí tedes unha crítca con mais xeito, e aquí un vídeo con imaxes do libro,  evidentemente con spoilers…

Outubro 19th, 2011

Rinocerontes fineses

Posted by W. Sobchak in Livros
Fai Carlos Meixide unha interesante crítica de Purga de Sofi Oskanen. O último título da colección contemporánea de Rinoceronte Editora [ esa editorial  marabillosa da que nunca estaremos agradecidos e dabondo, e da que cada galego de ben debería mercar como mínimo un libro]
No CCCP imos facer mención doutro libro finés editado polos de Cangas, mais, nunha nova  aposta pola actualidade máis radical, no canto de falar da última novidade falaremos do primeiro libro que editaron os de Cangas: O bosque dos raposos aforcados de Arto_Paasilinna. E como somos firmes militantes da crítica efémera, apenas diremos que éche un libro recomendábel e divertido. Con un humor cun aquel co de Eduardo Mendoza. Claro que con arrecendo lapón e non mediterráneo
Xa sabedes
Marzo 31st, 2011

Okko

Posted by W. Sobchak in Livros

Onte, nunha destas incursións que fago na biblioteca en plan “Cita a cegas” descubrínOkko. Unha banda deseñada dun francés que narra as andanzas dun ronin xaponés. Non deixa de ser o típico álbum de aventuras, en plan Asterix, pero para un público un chisco máis adulto. Moi entretido e con debuxos preciosos. O problema é que agora tócame ir a por máis!

Marzo 30th, 2011

Pulp books

Posted by W. Sobchak in Livros

Descubrín hoxe en twitter  pulp books unha caralluda iniciativa da xente de rinoceronte de achegar á lingua do imperio pequeno textos escritos en galego.
Acaban de solucionarme os agasallos aos amigos de fora  por unha boa temporada!

Por certo as portadas son pulps de vez

Marzo 25th, 2011

Obediencia e a serie B

Posted by W. Sobchak in Livros

Lembro tempos menos escuros do blogomillo, no que o pastor eléctrico ( D.U.P) falaba da necesidade dunha serie B galega.
Pois ben,  desconhezo se foi intencionado ou non,mais lendo Obediencia de Antón Lopo as imaxes mentais que se formaban no meu maxín, semellaban tiradas directamente dalguns filmes de John Carpenter.
Non sei se isto é bo ou malo…

Febreiro 7th, 2011

Do que fala Murakami cando fala de correr

Posted by W. Sobchak in Livros
Suponho que andaran todos os bos lectores gozando co ultimo de Murakami. Pois eu aínda rematei o outro día o penúltimo que editaron en lingua limitada: do que estou a falar cando falo de correr
E supoño que o talento será isto. Eu levo anos cunha serie de eivas que me impiden correr. E agás pequenas saudades das pachangas de basket, é algo do que nin me lembro na miña vida cotiá. E mira ti por onde, foi ler a este señor xaponés e comezar a devecer por poder voltar a dar voltas pola ferradura de Compostela cun pintor do país.
Éche un libro fermoso.

Por certo, a rapaza que me recomendou o libro, gabou tanto o estilo do nipón como a tradución ao galego de Mona Imai e Gabriel Álvarez Martinez.  E gabou ben!

Febreiro 6th, 2011

Pereiro rules!

Posted by W. Sobchak in Livros, Outras lerias

Arrinca o ano Pereiro con toda a forza que podíamos agardar do talento a esgalla do de Monforte. E como mostra, basta con dar umha vista de ollos á web do espectáculo que Nordesía, Filmanova e Kachet coproducen sobre Lois
E tamén ao vídeo do acto que fixeron o outro día na Coruña para a presentación da súa fotobiografía sonora. Momentos bonitos os que alí se viviron. Bonitos e incribles, ou senón  mirade cara o final como o mesmísimo Conselleiro Ilimitado ovaciona a eito a O Leo. Poderoso Pereiro, abofé

Novembro 15th, 2010

Settecento

Posted by W. Sobchak in Livros


Lin Settecento de Calveiro.  Prestoume de vez

E ten mérito para unha persoa tan pouco afeita a literatura historica coma min. Por iso,  coincido co Jaure en que eu tamén devezo por que Calveiro narre cosuas do Vigo actual

Fica recomendada pois

[aquí unha critica comodiosmanda]

Agosto 26th, 2010

Homes de tras da Corda

Posted by W. Sobchak in Livros


Na casa que okupei nas holandas [a dun galegazo emigrado alá, e que andaba de ferias por acá] achei na súa estantería feitaaman un exemplar de Homes de tras da Corda de Carlos G. Reigosa. Lina e gostei. Obviamente non estamos ante literatura vangardista. É algo mais sinxelo [non por elo doado] Na contracapa algún crítico falaba da parentela da obra cos estilos de narración oral de Fole.  É ese mesmo estilo de narración oral do que fai uso Xurxo Souto, mesturándoo co realismo máxico. En fin, que pasei un bo rato gozando coas historias de homes rexos noutras épocas máis duras, mais se cadra menos escuras.

Por certo, que aquí podedes escoitar ao autor lendo o prólogo

Xullo 15th, 2010

Menino Morreu

Posted by W. Sobchak in Livros

Lendo a contracapa do libro e tendo en conta a ocupación do autor, pensei que estaba a apanhar máis umha novela negra. Mais na realidade é umha pequena novela histórica, que se deixa ler a fume de carozo, sobre o Couto Mixto (outra das pequenas marabillas da nosa historia que puido ser e non foi)

Nos tempos en que flocos estaba activa, vira un teaser dun documental sobre o tema de Eloy Enciso, mais non voltei a ter novas ao respecto

Xullo 8th, 2010

Bilbao-New York-Bilbao

Posted by W. Sobchak in Livros

Para os que andan coma min, con tempo e ganas de folgar a cadora, esta  pequena recomendación. O libro de Kirmen Uribe (aquí con Buenafuente) é unha delicia, abofé. Como dan boa proba todos os premios que leva recolleitados.
Por outra banda, dentro do seu vangardismo, a min lembroume tanto en forma como en fondo  a obras galegas, como ao último de  Cid Cabido (gran pregón!)  ou Suso de Toro. E tamén  a Xurxo Souto o noso gran cronista do mar.

Anécdota: hai pouco  Pereiro twiiteaba (chíaba?) que  nunha libreria achou medio agochada  por 17 euros a edición galega, mentres  no escaparate a edición castelá por 19…

Páxina seguinte »