CCCP

Outubro 16th, 2015

Shoulder to Shoulder

Posted by W. Sobchak in Outras lerias

ireland_call
Este blog, en estado vexetativo,naceu para postear cousas bonitas. Pois ben, este vídeo de le monde sobre a orixe do himno da selección irlandesa de rugby moito me prestou.

Que aquí somos seareiros do rugby e dos trevol xa o dixemos moitas veces

Outubro 28th, 2013

Linger on

Posted by W. Sobchak in Música, Outras lerias

[gv data=”PK4DeMYtumc” width=”450][/gv]

Non son nada seareiro de obituarios e/ou efeméredes. Mais este tema préstame moito. Pois sio, linger on..,

Novembro 6th, 2012

Mapa sonoro da cidade de Lugo

Posted by W. Sobchak in Outras lerias

Pechen os ollos, poñan uns cascos, denlle ao play e paseen por Lugo!

E mesmo se tes ganas, engades sons ao proxecto

Mágoa que as tapas non se poidan condensar vía sonora…

 

Abril 26th, 2012

Enredando nas silveiras

Posted by W. Sobchak in Outras lerias

Non é en Costa Rica. É en Cospeito. É o Lagarto das Silvas [lacerta schreiberi], que tiven a sorte de descubrir o outro día pola banda da lagoa da Terra Cha [premer na imaxe para ampliar]
Foi no marco do Curso de identificación de Anfibios e Réptiles que impartiu  Martiño Cabana  organizado pola Casa das Insuas [a calidade do traballo e as redes que son quen de tecer os naturalistas galegos ten de  ser un exemplo para o resto da sociedade civil galega]
E a que vén todo isto?  A que é unha mostra máis de que en Galicia temos mil e un tesouros dos que podemos desfrutar e que temos que protexer. Non é preciso ir lonxe para achar mil e unha cousas bonitas.

Pero mentres, na lonxana galaxia dos piratas dos despachos, teiman en acabar con todo o patrimonio que nos deixou a boa xente que estivo por aquí antes  ca nos [Por ruindade, abofé. Mais tamén por pura ignorancia]

Todo isto xa o dixeron mellor  e ,infinitamente, máis bonito os  Fluzo

Abril 25th, 2012

As filhas do fucking Blissett

Posted by W. Sobchak in Arte e Desenho, Outras lerias

As filhas saíron rabudas e promoven o activismo. Elas desenhan. Ti podes imprimir e pegar.

Todos somos o emisor, o medio, a canle e o receptor

Abril 14th, 2012

Un de Ordes polo mundo

Posted by W. Sobchak in Outras lerias

Non quedan vacas. Non quedan blogues. E mira que eu gostaba deles. Sobre todo dos primitivos,dos “modo diario”. Por iso, aínda pasei un bo momento lendo o diario de Ivan Raña. Nel, sobre todo. conta as súas peripecias competindo en triatlóns polo mundo adíante. Mais deixa caer unhas pingas do xénero clásico de “blogue de viaxes”. Non é iso exactamente, xa que non admite comentarios.Pero aínda menos mal.O rapas de Ordes, alén dunha grande resistencia física ten un estilo ameno ao escribir. Tamén ten unha vida intensa, abofé, e semella bo tipo
[achtung!. se aborreces as crónicas deportivas non gastes o teu tempo nel]

Por outra banda, o seu colega de disciplina Javier Gomez Noya. Tamén ten un blogue na súa páxina. Mais non lle da moito uso.

Mira que é duro o triatlón, e que pouco recoñecemento económico/social da. Xa sabemos. O fútbol é así. Sorte para os dous en Londres!

Abril 9th, 2012

O escarabello no Pico Vello

Posted by W. Sobchak in Audiovisuais, Outras lerias

O  pasado domingo a xente de El escarabajo verde   [por cousas como eles paga a pena a televisión pública]  aproveitou a actualidade informativa da desfeita nas Fragas do Eume  para voltar a emitir o programa “una  mina en pico vello“. De visión obrigada para confirmar que os piratas dos despachos pintan rotas podrecidas. Iso si, o seu visionado encabrona bastante.

Outubro 11th, 2011

Rugby

Posted by W. Sobchak in Outras lerias
Lin o outro día polo twitter que seica o rugby é hispter. Debe selo por que un gafapasta pseudocultureta coma min devece por el. E tou na época propicia porque  xa vai  máis de un mes de mundial e eu touno a pasar quinindios. Se evitas aos países do leste de Europa ( Romanía, Georgia)é imposíbel ver un partido aburrido. Neste deporte non existe a especulación.
Por momentos pensei en aproveitar para dar a miña visión atravesada do evento, ao estilo traveseiro. E non me faltarían argumentos como as diversas hakas [comparade o estilo voluntarioso dos de Tonga, contra os esmagadores neozelandes, co agarimoso Alli Williams en primeiro plano],  ou mesmo  estilos capilares.
Decidín no facelo, porque non quero favorecer a popularización de algo tan snob [entón tería que buscar outra afección]
De todos os xeitos aínda quedan catro partidos e de seguro que van ser bonitos xa que quedan Gales,  o equipo que mellor rugby fixo ate o de agora, Francia, os inventores do rugby champaña [aínda que ultimamente semella que fan cava extremeño], a imprevisíbel Australia e os inmensos All Blacks. Eu de vos aproveitaba para darlle unha oportunidade a o invento.
Pola miña banda, ando un chisco triste xa que perdeu Irlanda, no que supón o adeus a unha xeración de xogadores [entre eles,  O´connell na foto superior] que me fixo vibrar, e padecer sobre todo, que as veces parecía que eu un deses da beira do Manzanares
E falando de rugby, o outro día vin en disquecool unha ligazón a unha reportaxe  de Informe Robinson sobre o Vigo Rugby e o seu adestrador All Black. Paga a pena.
Abril 18th, 2011

Rubens SXXI

Posted by W. Sobchak in Outras lerias

Xa sei que isto non é un tumblr (se cadra ao sitio iríalle mellor) Mais escachei de risa coa foto e apeteceume colgala!

Febreiro 6th, 2011

Pereiro rules!

Posted by W. Sobchak in Livros, Outras lerias

Arrinca o ano Pereiro con toda a forza que podíamos agardar do talento a esgalla do de Monforte. E como mostra, basta con dar umha vista de ollos á web do espectáculo que Nordesía, Filmanova e Kachet coproducen sobre Lois
E tamén ao vídeo do acto que fixeron o outro día na Coruña para a presentación da súa fotobiografía sonora. Momentos bonitos os que alí se viviron. Bonitos e incribles, ou senón  mirade cara o final como o mesmísimo Conselleiro Ilimitado ovaciona a eito a O Leo. Poderoso Pereiro, abofé

Novembro 17th, 2010

Bandallo, Sórneas, Rabechudo, Farfantón!

Posted by W. Sobchak in Outras lerias


O que digo eu que ninguén me discutirá , é que aparte de para falar coas vacas, o galego é un idioma máis  que apto para insultar, non?

E como mostra unha fermosa e senlleira lista de 334 formas de galeguizar os teus insultos

Outubro 20th, 2010

CCCP is not dead

Posted by W. Sobchak in Outras lerias

O CCCP non claudicou nesta triste época na que como dixo o outro, íamos refundar o capitalismo e el reformounos a nos.
O que acontece é que o camarada Sobchak sofre dunha grave falta de conexión a internet e un horario laboral sen sentido, que son xusto o contrario dos principios da nosa gloriosa revolución.
Mais como dicía a outra i will survive, ho!
Xuño 14th, 2010

Umha serendipia desas

Posted by W. Sobchak in Outras lerias


Este ano adquirín un hábito cando baixo á cidade á biblio. Polos estantes do corredor que leva até a  banda desenhada collo ao chou o primeiro libro en galego que ache e que tenha boa pinta. É un pequeno xogo na procura de alfaias inesperadas.
Pois a pasada segunda feira, escollín un libro de relatos efémeros, dunha rapariga da que non oíra falar na vida (disimulade a minha ignorancia): Iolanda Zuñiga.
E mira ti por onde como desde o sábado é a persoa mais citada no meu reader

[a imaxe é de Pilar Ponte]

Xuño 9th, 2010

Lado&Aldao Vs O IES do Son

Posted by W. Sobchak in Outras lerias

As veces hai colisións de planetas tan bonitos, como o da poesía e musica destas mulleres espelidas   e os dos rapaces responsabeis do making son, que a colisión resultante flamexa dun xeito moi fermoso

…e todo isto sen necesidade de cruzar a porta de Tannhäuser

Xuño 7th, 2010

Ciencia en galego? home claro!

Posted by W. Sobchak in Internete, Outras lerias


Cando escollín esta profesión que exerzo agora foi, entroutras cousas, polas expectativas dunha inmensidade de tempo libre ao meu dispor… Pois xusto acabado de pasar por dúas das semanas máis atarefadas, e esgotadoras, da minha vida. Mais a rede galega  ferve, e non para!  E non podo deixar de postear sobre a iniciativa de en galego tamén se fai ciencia.  E de toda a campaña non podo deixar de ficar coa opinión de Angel Carrecedo. Porque este señor é unha das mentes máis eminentes do estado, e conforta ver que os xuizosos andan con nos.  Do outro lado andan os feridos e duros… (vos xa sabedes quen son)

Páxina seguinte »